Nestlé and di National Basketball Association don announce one international marketing partnership wey go make Milo, Nescau and Nesquik become official NBA partners across 21 markets for four continents, and Nigeria dey inside. Di agreement go start on 1 January 2027.
Under di deal, di two organisations go create opportunities for young people and families through youth development programmes like Jr. NBA/Jr. WNBA, NBA Basketball School, Jr. NBA/Jr. WNBA Coaches Academies, Her Time To Play and NBA 3X, plus some NBA events and fan platforms like NBA Global Games and NBA House.
For Nigeria, di partnership dey build on top di two-decade investment wey Milo don put for youth basketball through di Milo Basketball Championship, wey don reach im 26th edition. Di 2026 edition reach pass 13,000 schools. "Basketball don become important part of di Milo story for Nigeria, dey create opportunities for young people to take part for sport while dem dey develop values like discipline, resilience, teamwork, and self-belief," na so Wassim Elhusseini, Managing Director and CEO of Nestlé Nigeria tok.
Di agreement go also get retail programmes and on-pack promotions with NBA branding, wey go give people chance to win NBA tickets, merchandise and oda prizes. "For many years now, our brands don believe for di power of sport to bring out di best inside people," na so Liberato Milo, senior vice president and head of confectionery and snacking strategic business unit for Nestlé, tok.
Di partnership go dey activated across Australia, Brazil, Canada, Colombia, France, Germany, Ghana, Italy, Indonesia, Malaysia, Mexico, New Zealand, Singapore, Spain, Thailand, Turkey, di United Kingdom, di United States and Vietnam, with di Philippines dey join from October 2027.
