Di second phase of NBBF/Zenith Bank League don start for Port Harcourt and Zaria, as di race for di eight slots wey dey up for grab for di Final 8 for Lagos don hot well well. For di Savannah Conference, Titans go open di mata against Kada Angels, wile NAM Warriors, anoda side wey miss dia Jos fixtures for di first phase, go face ASO SKY Queens.
Air Warriors go take on Nasaraway Amazons and Nigeria Customs go meet Plateau Rocks for di closing game of di opening day. Di conference stage dey expected to give clearer picture of di teams wey dey push for di 2026 league title and di ones wey dey battle to avoid relegation.
At di end of di conference phase, di top four teams from each conference go advance to di Final 8 for Lagos, wia dem go crown di 2026 league champions.
