NBA don shut ein elite training facility for Senegal afta eight years, as di NBA Academy Africa development programme set to move go di NBA Global Academy for Abu Dhabi. Di Senegal-based centre open for 2017 and train like 110 players, an e produce alumni like Khaman Maluach and Ulrich Chomche, wey both reach NBA.
According to di league, di relocation na part of one bigger global plan for elite player development, wey show how basketball opportunities don grow across Africa since dem first launch di academy.
NBA talk say one single global academy go give top prospects more chance to train and compete regularly against leading players from different regions, plus increase dia exposure to college and professional coaches and scouts.
Dem set up NBA Academy Africa to find and develop some of di kontinent top high-school-age prospects, give dem one clear path to college and professional basketball plus education, leadership, character development, health and wellness, and life-skills training. Officials talk say NBA Global Academy go now serve as di international development pathway for elite African players.
