Malian forward Kadidia Maiga don collect di Most Valuable Player award for Rwanda Basketball League Playoffs afta she help REG Women BBC keep di national championship for Wednesday, August 26. She average about 15 points and 11 rebounds per game during di postseason.
Di award mean pass ordinary one because of wetin she don pass with injury. "I come from long injury. I do surgery for my knee last year," Maiga tok. "E get rehabilitation sessions, training and moments of pain." She come out say she don do three surgeries inside three years.
Maiga say na di preparation before di postseason make her play like dat for playoffs, including morning training sessions and conditioning work. She point to one-point semi-final loss against APR as di turning point. "Na one game we fit don win, but to lose by one point teach us important lessons," she tok. REG respond by winning di third game by 11 points and dem hail her teammate Sandra Kantore for wetin she do for di paint.
Di forward, wey still dey under contract with REG till December, say she expect di team to compete for Rwanda Cup before dem go target Zone Five qualification for African club championship. She also call for better visibility for women basketball for Rwanda. "Wen di women dey play, people no plenty. We need more visibility and more work to make di women championship get better value, even for di future of di national team," she tok.
